Mundarija
Ish haqi hisoblash formulasi
Do'kon yoki kichik sexda oylik odatda to'rt qismdan yig'iladi: ishlagan kunlar haqi, ishbay, bonus va ushlab qolinadigan summalar. Formula shunday:
Qo'lga beriladi = oylik ÷ oy kunlari × haq to'lanadigan kunlar + ishbay + bonus − jarima − avans
Misol: sotuvchining oyligi 3 000 000 so'm, noyabrda 30 kun, demak bir kuni 100 000 so'm. U 24 kun keldi, 4 kun dam oldi, 1 kun yarim ishladi va 1 kun kelmadi. Oylik turida dam olish kuni ham to'lanadi, yarim kun 0,5 hisoblanadi: 24 + 4 + 0,5 = 28,5 kun. Ustiga 200 000 bonus, 50 000 jarima bor va oy o'rtasida 1 000 000 avans olgan.
Noyabr oyligi
- Bir kun: 3 000 000 ÷ 30100 000
- 28,5 kun × 100 0002 850 000
- Bonus+ 200 000
- Jarima− 50 000
- Avans− 1 000 000
Qo'lga beriladi2 000 000
2 850 000 + 200 000 − 50 000 − 1 000 000
Bu do'kon egasi va xodim o'rtasidagi ichki hisob. Ilova soliq va ajratmalarni hisoblamaydi: rasmiy ishga olingan xodimlar bo'yicha bu qismni buxgalteringiz bilan aniqlang.
Oylikmi yoki kunlik: qaysi biri to'g'ri keladi
Xodim kartasida ikki xil to'lov turi bor, hisob ham ularda farq qiladi:
| Nima | Oylik | Kunlik |
|---|---|---|
| Bir kun narxi | Oylik ÷ oy kunlari | O'zingiz yozgan stavka |
| Dam olish kuni | To'lanadi | To'lanmaydi |
| Yarim kun | 0,5 kun | 0,5 kun |
| Kelmagan kun | To'lanmaydi | To'lanmaydi |
| Kimga qulay | Doimiy sotuvchi, kassir | Yordamchi, smenali ishchi |
Masalan, kunlik stavkasi 150 000 so'm bo'lgan yordamchi oyda 20 kun ishga chiqsa, 3 000 000 so'm oladi. Turini xodim formasidagi Oylik va Kunlik tugmalari bilan tanlaysiz.
Oylikni ilovada qanday hisoblash
Xodim kartasida oylikni yozishning ikki yo'li bor:
- Davomat bo'yicha. Kartada Davomatni oching: oy oxirida ishlagan kunlar va Jami summa tayyor turadi. Oylikka yozish tugmasi summani o'zi qo'yadi, siz saqlaysiz.
- To'liq oylik. Davomat yuritmasangiz, Oylik hisoblash tugmasi to'liq oylik summasini ochadi: oyni tekshirib, saqlaysiz.
Davomatdan yozganda summa ikki marta tushmaydi: ilova shu oyga allaqachon yozilganini hisobga olib, faqat qolganini qo'yadi. Kunlarni qanday belgilash haqida: davomat tizimi.
Avans, bonus va jarimani yozish
Bularning hammasi xodim kartasida, To'lov berish va Boshqa amal tugmalarida. Har birining balansga va kassaga ta'siri har xil:
| Amal | Xodimga qarzimiz | Kassadan pul |
|---|---|---|
| Oylik hisoblash | Oshadi | Chiqmaydi |
| Bonus berish | Oshadi | Chiqmaydi |
| Jarima solish | Kamayadi | Chiqmaydi |
| Avans berish | Kamayadi | Chiqadi |
| To'lov berish | Kamayadi | Chiqadi |
E'tibor bering: bonus yozilganda pul hali berilmagan bo'ladi, u faqat xodimga qarzingizni oshiradi. Qo'liga berganingizda To'lov berishni bosasiz.
Avansni oyda bir necha marta bersangiz ham bo'ladi, har biri o'z sanasi bilan turadi. Formada Sana (pul berilgan kun) va Oy (qaysi oy uchun) alohida: oktabr oyligini 3 noyabrda bersangiz, u oktabr hisobida qoladi, xarajatlarda esa 3 noyabr kuni turadi.
To'lov kassadan qanday chiqadi
To'lov berish va Avans berish oynasida to'lov usulini tanlaysiz: Naqd, Karta, P2P yoki Boshqa. Pul o'z usulidagi kassadan chiqim bo'ladi va xarajatlarga Ish haqi moddasi bilan o'zi yoziladi, shuning uchun oy oxirida oyliklarni xarajatga qayta qo'shish shart emas. Pulni do'kon kassasidan bermagan bo'lsangiz, Boshqa usulini tanlang: xarajatga yoziladi, kassa o'zgarmaydi.
Ishbay haq: savdodan foiz yoki dona uchun
Agentga sotganidan, sex ishchisiga qilganidan to'lasangiz, xodim formasidagi Ishbay qismini yoqing. U oylik ustiga qo'shiladi, faqat ishbayga ishlaydigan xodimning oyligini esa 0 qoldirasiz. Uch xil turi bor:
- Savdodan foiz. 20 000 000 so'mlik savdoning 3 foizi 600 000 so'm. Qaytarilgan tovar ayriladi.
- Sotilgan dona uchun. 1 200 dona × 500 so'm = 600 000 so'm.
- Ishlab chiqarilgan dona uchun. 300 dona × 2 000 so'm = 600 000 so'm.
Kartadagi Ishbay bloki oy bo'yicha qancha yig'ilganini ko'rsatadi, Oylikka yozish esa hali yozilmagan qismini xodim hisobiga o'tkazadi. Hisobga faqat xodim o'zi rasmiylashtirgan savdo kiradi, shuning uchun u o'z mini-ilovasidan ishlashi kerak. Kirishni qanday berish haqida: xodimlar hisobi.
Oylik hisoblash jadvali: Tabel
Xodimlar ko'p bo'lsa, ularni birma-bir ochish noqulay. Xodimlar bo'limidagi Tabel hammani kunlar bo'yicha bitta jadvalda ko'rsatadi: kelgan kunlar va yonida O'tgan oydan, Hisoblandi, Oldi, Qoldiq ustunlari. Ism ustiga bossangiz, shu yerning o'zidan avans yoki oylik berasiz.
Noyabr, qoldiq
- Karim aka 2 000 000 to'lanadi
- Jasur 1 500 000 to'lanadi
- Dilnoza opa To'landi 0 to'liq berildi
Jami to'lanadi3 500 000
Hammasini oylikka yozish tugmasi davomat va ishbay bo'yicha yig'ilgan summani barcha xodimlarga birdaniga yozadi, qayta bosilsa ham summa ko'paymaydi. Jadvalni rasm, PDF yoki Excel qilib yuklab olish mumkin.
Xodim o'z oyligini o'zi ko'radi
Bahs kamayishi uchun xodimga o'z hisobini ko'rsating. U mini-ilovada yoki o'z telefon raqami bilan oddiy kirib, bosh sahifani sozlashdan Oyligim plitkasini yoqadi: oylik, avans, bonus, jarima va davomat ko'rinadi. Buning uchun kartada uning raqami yozilgan bo'lishi kifoya, xohlamasangiz, Xodimga oyligini ko'rsatishni o'chirib qo'yasiz. To'lov yoki avans yozilganda xodimga bildirishnoma boradi.
Oylik, avans, ishbay va davomat Biznes tarifidan boshlab ishlaydi. Yangi foydalanuvchilar ularni 7 kunlik bepul sinov davrida ishlatib ko'rishi mumkin.
Ko'p so'raladigan savollar
Oylik qanday hisoblanadi?
Oylik oy kunlariga bo'linadi va bir kun narxi haq to'lanadigan kunlarga ko'paytiriladi. Keyin ishbay va bonus qo'shiladi, jarima va avans ayriladi.
Dam olish kuni uchun pul to'lanadimi?
Oylik turida ha, agar o'sha kun Dam deb belgilangan bo'lsa. Kunlik turida faqat ishga chiqqan kunlar to'lanadi.
Avans oylikdan qanday ayriladi?
Avans yozilganda xodimga qarzingiz kamayadi. Oylik hisoblangach, balansda avansdan keyin qolgan summa ko'rinadi.
Ilova soliqlarni hisoblaydimi?
Yo'q. Ilova do'kon egasi va xodim o'rtasidagi ichki hisobni yuritadi. Soliq va ajratmalarni buxgalteringiz bilan aniqlang.
Oylik xarajatlarga o'zi tushadimi?
Ha. To'lov va avans Xarajatlar bo'limiga Ish haqi moddasi bilan o'zi yoziladi. Hisoblangan, lekin hali berilmagan oylik xarajatga tushmaydi.
Ish haqi hisobi qaysi tarifda ishlaydi?
Biznes tarifida va undan yuqorida. Yangi foydalanuvchilar uni 7 kunlik bepul sinov davrida ishlatib ko'rishi mumkin.