Qarz Daftari Русский Kirish

Bozorlik ro'yxati: do'kon xaridlarini xodimlar bilan yuritish

5 daqiqa o'qish Tarif: Biznes

Bozorlik ro'yxati do'kon yoki oshxonaga kerakli narsalarni bitta joyga yig'adi: xodimlar o'zi yozadi, bozorga borgan odam telefonidan ko'rib oladi. Kim nima so'ragani, nima olingani va bozorga qancha pul ketgani Telegram yozishmalarida yo'qolib ketmasligi uchun xaridlar hisobini qanday yuritishni ko'rsatamiz.

Mundarija
  1. Telegram guruhidagi bozorlik nega chalkashadi
  2. Bozorlik ro'yxatini qanday ochish
  3. Qator qo'shish: nima, qancha, taxminan necha pul
  4. Xodimlar o'zi so'rov qo'shadi
  5. Bozorda: Olindi yoki Topilmadi
  6. Ro'yxatni yopish: pul kassaga, tovar omborga
  7. Bir oyda bozorga qancha ketadi
  8. Ro'yxatni bozorchiga yuborish
  9. Bozorlikni tartibli yuritish uchun maslahatlar

Telegram guruhidagi bozorlik nega chalkashadi

Oshpaz guruhga «piyoz tugadi» deb yozadi, sotuvchi qo'ng'iroq qilib shakar so'raydi, omborchi qog'ozga belgilab qo'yadi. Bozorga ketayotgan odam shu xabarlarning yarmini ko'radi, qolgani yuqorida qolib ketadi. Qaytib kelgach esa «qancha pul ketdi?» degan savol chiqadi: cheklar yo'q, berilgan pul bilan qaytgan pul chiqishmaydi.

Bozorlik ro'yxati shu ishni bitta ekranga jamlaydi. Har bir qatorda nima kerakligi, qancha, taxminan necha pul va kim so'ragani turadi. Bozorchi olganini belgilab boradi, ro'yxat yopilganda sarflangan pul kassaga chiqim bo'lib yoziladi.

  1. Ro'yxat ochiladisana va nomi
  2. Xodimlar yozadinima va qancha
  3. Bozorda belgilanadiolindi yoki topilmadi
  4. Ro'yxat yopiladikassaga chiqim
Bozorlik ro'yxati to'rt qadamda.

Bozorlik ro'yxatini qanday ochish

  1. Bosh sahifada Bozorlik plitkasini bosing.
  2. Yangi ro'yxat tugmasini bosing.
  3. Sanani tekshiring va ro'yxatga nom bering: «Shanba bozori» yoki «Oshxona uchun».
  4. Saqlashni bosing.

Bir vaqtda bir nechta ro'yxat ochiq tursa bo'ladi: oshxonaga alohida, do'konga alohida. Har biriga boshqa odam borsa, so'rovlar aralashmaydi.

Qator qo'shish: nima, qancha, taxminan necha pul

Qator qo'shish tugmasini bosib, Nima olish kerak maydoniga nomini yozasiz, Qancha va Birlikni (dona, kg, litr, qop) tanlaysiz. Taxminan maydoniga kutilgan narxni kiritsangiz, ro'yxat tepasida Rejalashtirilgan summa chiqadi: bozorchiga qancha pul berish kerakligi oldindan ma'lum bo'ladi.

Tovar omborda hisoblansa, Ombordagi mahsulot orqali uni ro'yxatdan tanlab bog'lang: keyin olingani omborga kirim bo'lib tushishi mumkin. Non va ko'kat kabi omborda yuritilmaydigan narsalar uchun bu shart emas.

Video dars 37 Bozorlik ro'yxati Telegram'da ko'rish YouTube'da ochish
Yangi bozorlik ro'yxatini ochish: sana va ro'yxat nomi
Yangi ro'yxat: sana va nomi.
Bozorlik ro'yxatiga qator qo'shish: nima olish kerak, qancha, birlik, taxminiy narx va ombordagi mahsulot
Qator: nima, qancha, taxminan necha pul.

Xodimlar o'zi so'rov qo'shadi

Bo'limning asosiy qulayligi shu: ro'yxatni bitta odam emas, butun jamoa to'ldiradi. Har bir xodim o'z ilovasidan yozadi, qator ostida kim so'ragani ko'rinadi. Bozorchiga yangi so'rovlar haqida bildirishnoma boradi, lekin har bir qatorga emas, 15 daqiqada ko'pi bilan bir marta.

Xodimga ikki xil ruxsat beriladi. Bozorlik ro'yxatiga yozish faqat so'rov qoldiradi. Xarid qilish va ro'yxatni yopish esa olinganini belgilaydi va ro'yxatni yopadi. Bozorga boradigan odamga tayyor Bozorchi rolini berish mumkin. Ruxsatlar qanday berilishi haqida: xodimlar hisobi.

Bozorda: Olindi yoki Topilmadi

Bozorchi ro'yxatni telefonda ochadi. Qator yonidagi doirani bossa, u Olindi bo'ladi. Qatorni ochib, qancha olingani va Sarflandi summasini yozadi. Kerakli narsa topilmasa, Topilmadi holatini qo'yadi: so'ragan odamga bu haqda xabar boradi va u boshqa yo'l qidiradi.

Kassaga faqat Sarflandi maydoniga yozilgan summa tushadi. Doirani belgilashning o'zi yetmaydi: har bir olingan qatorga haqiqiy narxini yozing, aks holda ro'yxat yopilganda bu pul hisobga kirmaydi.

Shanba bozori

  • Kartoshka, 20 kg120 000
  • Go'sht, 5 kg500 000
  • Piyoz, 10 kg40 000
  • Yog', 5 litr90 000

Sarflangan750 000

Rejalashtirilgan edi: 800 000 so'm

Namuna: rejadagi va haqiqatda sarflangan pul yonma-yon.

Ro'yxatni yopish: pul kassaga, tovar omborga

Hammasi olingach, Ro'yxatni yopish tugmasini bosing. Oynada jami Sarflangan summa va ikkita tugma turadi:

  • Kassaga chiqim yozish odatda yoqilgan: sarflangan pul kassadan chiqim bo'lib yoziladi. Chiqim moddasi tayyor «Bozorlik» bo'lib turadi, xohlasangiz o'zgartirasiz.
  • Omborga kirim qilish kerak bo'lganda yoqiladi: omborga faqat mahsulotga bog'langan va olingan qatorlar tushadi, tan narxi ham yangilanadi.
Ochiq bozorlik ro'yxati: rejalashtirilgan va sarflangan summa, qator va Ro'yxatni yopish tugmasi
Ro'yxat: reja, sarf va yopish tugmasi.

Ro'yxat yopilganda do'kon egasiga «Bozorlik yopildi» degan xabar va sarflangan summa keladi, shuning uchun bozorchi qaytmasdan turib ham qancha ketganini bilasiz. Pul kassa hisobida alohida qator bo'lib turadi.

Xato bo'lsa, do'kon egasi yopilgan ro'yxatni Qayta ochish bilan qaytaradi: kassadagi chiqim va omborga kirim bekor bo'ladi, tuzatib, qaytadan yopasiz.

Bir oyda bozorga qancha ketadi

Tarix yorlig'ida oldingi ro'yxatlar saqlanadi. Do'kon egasi u yerda oy boshidan beri Davr uchun sarflandi summasini va Ko'p olinadigan narsalarni ko'radi. Masalan, har hafta bir xil yog' uchun bozorga chiqilayotgani ko'rinsa, uni ulgurji olib, omborda saqlash arzonroq tushishi mumkin.

Ro'yxatni bozorchiga yuborish

Bozorchi ilovada ishlamasa ham muammo yo'q. Ochiq ro'yxat tepasidagi ulashish belgisini bossangiz, ro'yxat tayyor rasm yoki PDF bo'lib chiqadi: Telegramga tashlaysiz yoki chop etib, qo'liga berasiz. Rasmda har bir tovar, miqdori va taxminiy narxi turadi.

Bozorlikni tartibli yuritish uchun maslahatlar

  • Ro'yxatni bir kun oldin oching. Xodimlar kechqurun nima kerakligini yozib qo'yadi, ertalab bozorchi tayyor ro'yxat bilan chiqadi.
  • Taxminiy narxni yozing. Shunda bozorchiga qancha pul berishni bilasiz va qaytganda farqni solishtirasiz.
  • Sarfni bozorning o'zida yozing. Kechga qoldirilsa, narxlar esdan chiqadi.
  • Ro'yxatni o'sha kuni yoping. Ochiq ro'yxatdagi pul hali kassada ko'rinmaydi.

Bozorlik bo'limi Biznes tarifidan boshlab ishlaydi. Yangi foydalanuvchilar uni 7 kunlik bepul sinov davrida ishlatib ko'rishi mumkin.

Ko'p so'raladigan savollar

Bozorlik ro'yxati qaysi tarifda ishlaydi?

Biznes tarifida va undan yuqorida. Yangi foydalanuvchilar uni 7 kunlik bepul sinov davrida ishlatib ko'rishi mumkin.

Xodim ro'yxatga qanday yozadi?

Xodimga ilovaga kirish berib, Bozorlik ro'yxatiga yozish huquqini yoqasiz. U o'z telefonidan qator qo'shadi, ro'yxatda uning ismi ko'rinadi.

Ro'yxat yopilganda pul qayerga yoziladi?

Kassaga chiqim bo'lib, odatda «Bozorlik» moddasi bilan. Yopish oynasida moddani o'zgartirish yoki kassaga yozishni o'chirish mumkin.

Olingan tovar omborga tushadimi?

Yopishda Omborga kirim qilish yoqilsa, tushadi, lekin faqat ombordagi mahsulotga bog'langan qatorlar. Bog'lanmagan qatorlar omborga ta'sir qilmaydi.

Yopilgan ro'yxatni tuzatsa bo'ladimi?

Ha. Do'kon egasi Qayta ochish tugmasini bosadi: kassadagi chiqim va omborga kirim bekor bo'ladi, keyin tuzatib, qaytadan yopadi.