Mundarija
Nega so'm bilan dollarni bitta songa qo'shib bo'lmaydi
Ko'p xato shu yerdan boshlanadi. Daftarga «Karim aka: 2 500 000 so'm va 100 dollar» deb yozish o'rniga, dollarni kunning kursiga ko'paytirib, bitta summa qilib qo'yiladi. Bir oydan keyin kurs o'zgaradi, mijoz esa «men dollarda olganman» deydi. Qaysi raqam to'g'ri ekanini endi isbotlab bo'lmaydi.
Shuning uchun qoida oddiy: har bir valyuta o'z hisobida turadi. Qarz daftari ilovasi ham shunday ishlaydi: bitta mijozda So'mdagi qarz va Dollardagi qarz alohida ko'rinadi, ro'yxat va hisobotlardagi jami summalar ham valyuta bo'yicha alohida chiqadi. Kurs o'zgarsa, qarz o'zgarmaydi: 100 dollar 100 dollarligicha qoladi.
Qarzdorlar daftari
- Karim aka 2 500 000 so'm
- Dilnoza opa 150 $
- Anvar aka Kechikdi 1 800 000 so'm
- Rustam aka 150 $
Jami4 300 000 so'm va 300 $
Dollarda qarzni qanday yozish kerak
- Mijozlar bo'limidan mijozni oching yoki Yangi mijoz qo'shish tugmasi bilan yangisini kiriting.
- Qarz qo'shish tugmasini bosing.
- Summa ustidagi almashtirgichda Dollarni tanlang.
- Summani dollarda yozing, Izohga nima olganini qayd eting.
- Saqlashni bosing. Qarz kartadagi Dollardagi qarz qatoriga tushadi, so'mdagi qarzga qo'shilmaydi.
Telefondagi ilova valyuta adashganini ham sezadi: so'mda juda kichik yoki dollarda juda katta summa yozsangiz, saqlashdan oldin valyutani to'g'ri tanlaganingizni so'raydi. Shoshilib 100 dollar o'rniga 100 so'm yozib qo'yish shu yerda ushlanadi.
Mijoz dollarda qarz olib, so'mda to'lasa nima qilish kerak
Bozorda odatiy holat: tovar dollarda olingan, mijoz esa so'm olib keldi. Buni oddiy so'm to'lovi qilib yozsangiz, xato bo'ladi: dollardagi qarz joyida qoladi, so'mda esa ortiqcha to'lov paydo bo'lib, mijoz balansi minusga o'tadi. To'g'ri yo'li to'lov oynasidagi Boshqa valyutada to'ladi tugmachasi.
Oddiy so'm to'lovi
- Dollar qarz kamaymaydi
- So'mda minus chiqadi
- Mijoz bilan tortishuv
Boshqa valyutada to'ladi
- Qarz dollarda kamayadi
- Kassaga so'm tushadi
- Kurs yozuvda qoladi
- Mijoz kartasida To'lov qabul qilishni bosing.
- Valyuta sifatida qarzning valyutasini, ya'ni Dollarni tanlang.
- Boshqa valyutada to'ladi: So'm tugmachasini yoqing.
- Qancha berdi, So'm maydoniga mijoz bergan pulni yozing.
- 1 $ kursi qatoriga qarang: u yerda bugungi kurs turadi. Mijoz bilan boshqa kursda kelishgan bo'lsangiz, shu to'lov uchun o'zgartirasiz.
- Saqlashni bosing. Qarzdan qancha dollar yopilganini ilova o'zi hisoblaydi.
100 dollar qarz, to'lov so'mda
- Qarz100 $
- Mijoz berdi600 000 so'm
- 1 $ kursi12 000 so'm
- Qarzdan yopildi− 50 $
Qarz qoldi50 $
600 000 ÷ 12 000 = 50 $
Kassaga mijoz aslida bergan pul tushadi: misolimizda 600 000 so'm. Tarixda ham shu to'lov yonida necha so'm berilgani yozilib turadi, shuning uchun keyin kassani tekshirganda qutidagi pul bilan solishtirish oson.
Teskari holat ham xuddi shunday: qarz so'mda bo'lib, mijoz dollar olib kelsa, to'lovni so'mda ochasiz va Boshqa valyutada to'ladi: Dollarni yoqasiz.
O'z dollar kursingizni qanday qo'yish mumkin
Ilova har kuni Markaziy bank kursini oladi, lekin bozordagi kurs ko'pincha undan farq qiladi. Do'koningiz o'z kursi bilan ishlasa, uni kun boshida bir marta kiritib qo'yasiz: boshqa valyutadagi to'lov oynasi va sotuvdagi hisob-kitoblar shu kursdan boshlanadi.
- Bosh sahifadan Mening do'konlarimga kiring.
- Do'kon kartasidagi Sozlamalarni bosing.
- Pastga tushib Dollar kursi bo'limini toping: u yerda Markaziy bank kursi turadi.
- Bugungi o'z kursingiz maydoniga kursni yozib, Saqlashni bosing.
O'z kursingiz kun oxirigacha amal qiladi, ertasi kuni ilova yana Markaziy bank kursini oladi. Har kuni o'z kursingiz bilan ishlasangiz, ertalab uni qayta kiritib qo'ying.
Savdoning katta qismi dollarda bo'lsa, shu sozlamalardagi Asosiy valyutani $ qilib qo'ying. Shunda yangi qarz, sotuv va kassa yozuvlari dollar bilan ochiladi, eski yozuvlar esa o'zgarmaydi.
Sotuv, nasiya va kassada ikki valyuta
| Bo'lim | Ikki valyutada qanday ishlaydi |
|---|---|
| Qarz va to'lov | Har bir mijozda so'm va dollar balansi alohida |
| Kassa | Qoldiq har valyutada alohida turadi |
| Sotuv | Bitta chekda so'mlik va dollarlik tovar bo'lsa, jami har valyutada alohida chiqadi |
| Nasiya | Har bir shartnoma bitta valyutada ochiladi |
| Hisobotlar | Tushum, foyda va xarajatlar valyuta bo'yicha alohida |
Bitta istisno bor. Kassada ham so'm, ham dollar bo'lsa, yonida Jami so'mda kartochkasi chiqadi: u dollarni bugungi kursda so'mga aylantirib ko'rsatadi. Bu faqat mo'ljal uchun raqam, kurs o'zgarsa u ham o'zgaradi, balanslarning o'zi esa bir-biriga qo'shilmaydi. Shartnoma bilan ishlash haqida nasiya savdo maqolasida yozganmiz.
Ikki valyutada adashmaslik uchun maslahatlar
- Qarzni olingan valyutada yozing. Tovar dollarga olingan bo'lsa, so'mga aylantirib o'tirmang: kurs o'zgarganda tortishuv aynan shundan chiqadi.
- Kursni to'lovdan oldin kelishib oling. «Bugun 12 000 dan hisoblaymiz» deb ayting, keyin shu kursni yozing. U yozuvda saqlanib qoladi.
- Qoldiqni valyutasi bilan ayting. «50 dollar qoldi» degan gap aniq, so'mga aylantirilgan summa esa ertaga boshqacha bo'ladi.
- To'lov usulini ham belgilang. Boshqa valyutadagi pul naqd, karta yoki P2P orqali kelgan bo'lsa, shu usulni tanlang: pul o'z kassasiga tushadi.
Qarz va to'lovni so'm va dollarda yozish, boshqa valyutadagi to'lov va o'z kursingiz bepul ishlaydi. Kassa Start, sotuv va nasiya Savdo tarifidan boshlab ochiladi.
Ko'p so'raladigan savollar
Dollarda olingan qarzni so'mda to'lash mumkinmi?
Ha. To'lov oynasida Boshqa valyutada to'ladi tugmachasini yoqing, mijoz bergan so'mni va kursni yozing. Qarz dollarda kamayadi, kassaga esa berilgan so'm tushadi.
Kurs o'zgarsa, dollardagi qarz ham o'zgaradimi?
Yo'q. Dollarda yozilgan qarz dollarda qoladi. Kurs faqat mijoz boshqa valyutada to'laganda kerak bo'ladi va o'sha to'lov bilan birga yozib qo'yiladi.
O'z kursim qancha vaqt amal qiladi?
Kiritilgan kun oxirigacha. Ertasi kuni ilova yana Markaziy bank kursini oladi, xohlasangiz yangisini kiritasiz.
So'm va dollar qarzi bitta summaga qo'shiladimi?
Yo'q. Qarz, sotuv va hisobotlarda har valyuta alohida turadi. Faqat kassada ikkala valyuta bo'lsa, Jami so'mda kartochkasi dollarni bugungi kursda so'mga aylantirib, mo'ljal sifatida ko'rsatadi.
Dollar hisobi qaysi tarifda ishlaydi?
Qarz va to'lovni ikki valyutada yozish bepul tarifda ham ishlaydi. Kassa Start tarifidan, sotuv va nasiya Savdo tarifidan boshlab ochiladi.