Qarz Daftari Русский Kirish

Mijozlar bazasi: karta, statistika va xaritadagi manzil

5 daqiqa o'qish Tarif: Bepul

Mijozlar bazasi bo'lsa, kim qancha olgani, qancha to'lagani va qayerda turishi bir qarashda ko'rinadi. Qarz Daftari'da har bir mijozning alohida kartasi bor: unda tarix, balans, statistika va xaritadagi nuqta. Quyida kerakli mijozni tez topish, kartadan foydalanish va hisobotni mijozga yuborishni ko'rsatamiz.

Mundarija
  1. Mijozlar hisobi nima uchun kerak
  2. Mijoz kartasida nimalar bor
  3. Mijozlar ro'yxatidan kerakli odamni tez topish
  4. Mijoz statistikasi: qancha oldi, qancha to'ladi
  5. Mijoz manzilini xaritada belgilash
  6. Hisobotni mijozga yuborish
  7. Bazani to'ldirishni nimadan boshlash kerak

Mijozlar hisobi nima uchun kerak

Kichik do'konda ham bir yilda yuzlab ism yig'iladi. Bir qismi har hafta keladi, bir qismi bir marta olib ketgan, yana biri qarzini unutgan. Hammasi telefon kontaktlarida yoki daftarda aralash yotsa, «bu odam oxirgi marta qachon kelgan edi?» degan oddiy savolga ham javob topolmaysiz.

Tartibli mijozlar ro'yxati bo'lsa, buni bir necha soniyada bilasiz: kimga qo'ng'iroq qilish, kimga yangi tovar taklif qilish, kimga boshqa qarz bermaslik kerak. Bir xil ismli ikki Karim aka ham adashmaydi: har birining raqami va izohi bor.

Mijoz kartasi
  • Qarz va to'lovlar
  • Statistika
  • Xaritadagi joyi
  • SMS va qo'ng'iroq
  • Izoh va suratlar
  • Hisobot yuborish
Bitta mijoz haqidagi hamma narsa bir kartada jamlangan.

Mijoz kartasida nimalar bor

Mijozlar bo'limida ismni bossangiz, karta ochiladi. Tepada telefon raqami, so'mdagi va dollardagi qarz, pastida to'rtta tugma: qo'ng'iroq, SMS, Telegram va WhatsApp. Mijozga shu yerning o'zidan yozasiz yoki telefon qilasiz.

  • Qo'shimcha ma'lumotlar — mijoz haqidagi izoh va suratlaringiz: do'koni qayerda, kim orqali kelgan, qanday kelishuv bor.
  • SMS tarixi — karta orqali telefoningizdan yuborilgan SMS'lar qaydi.
  • Avtomatik SMS va Avtomatik qo'ng'iroqlar — shu mijoz uchun alohida eslatma qoidasi va ketgan xabarlar.
  • Qarzlar, Sotuvlar, Nasiya savdo — har bir yo'nalish bo'yicha yozuvlar. Sotuv va nasiya Savdo tarifida ishlaydi.

Yuqoridagi uch nuqta menyusida Statistika, Tahrirlash, Joylashuvni belgilash va Eksport turadi. Mijoz sizga tovar ham yetkazib bersa, Savdo tarifida Yetkazib beruvchi qilish orqali ikki hisobni bog'lash mumkin.

Mijoz kartasi menyusi: Statistika, Tahrirlash, Joylashuvni belgilash, Yetkazib beruvchi qilish, Eksport
Uch nuqta menyusi: kartadagi barcha amallar.

Mijozlar ro'yxatidan kerakli odamni tez topish

Mijozlar bo'limi tepasida mijozlar soni, qarzdorlar va jami qarz turadi. Qidiruvga ism yoki telefonning bir qismini yozasiz. Qidiruv lotin va kirill yozuvini farqlamaydi: «Тошмат» deb yozsangiz ham, «toshmat» deb yozsangiz ham bitta odam chiqadi. Raqamning oxirgi raqamlari ham yetadi, izohdagi so'z bo'yicha ham topadi: masalan, ikki Karim akani «bozor, 2-qator» degan izoh ajratib turadi.

SaralashNimaga kerak
Qarz bo'yichaKim ko'proq qarzdor, tepada turadi
Avval muddati o'tganlarBugun kimga qo'ng'iroq qilish kerak
Oxirgi amalKim yaqinda keldi, kim yo'qolib ketdi
SanaYangi qo'shilgan mijozlar
Alifbo bo'yichaIsm bo'yicha tartib
YaqinidanYetkazib berishda yaqin mijozlar

Saralash yonidagi filtr ro'yxatni toraytiradi: Qarzdorlar, Muddati o'tgan, Ortiqcha to'lagan yoki Qarzsiz. Tepadagi papkalar esa mijozlarni guruhlaydi: doimiy mijozlar, ulgurji, mahalla, restoranlar. Bitta mijoz bir nechta papkada turishi mumkin, muhimlarini Mahkamlash orqali ro'yxat boshiga chiqarasiz.

Video dars 21 Mijozlarni qidirish va saralash Telegram'da ko'rish YouTube'da ochish
Mijozlar bazasi ro'yxati: qidiruv, papkalar, mijozlar soni, qarzdorlar va jami qarz
Ro'yxat: qidiruv, papkalar va umumiy raqamlar.
Mijozlar ro'yxatini saralash menyusi: alifbo, qarz, muddati o'tganlar, sana, oxirgi amal, yaqinidan
Olti xil saralash.

Mijoz statistikasi: qancha oldi, qancha to'ladi

Karta menyusidagi Statistika bitta mijoz bo'yicha hisobot beradi. Kun, oy, yil, o'zingiz tanlagan davr yoki butun davrni ko'rasiz. Oyni tanlasangiz, natija o'tgan oyning xuddi shu kunlari bilan solishtiriladi: 1–10-sanalar 1–10-sanalar bilan, shuning uchun taqqoslash adolatli chiqadi.

Ekranda Oldi va To'ladi, davr boshidagi va oxiridagi qarz ko'rinadi. Olgani to'laganidan ko'p bo'lsa, farq Kam berdi qatorida chiqadi: qarz qaysi oyda o'sayotganini shundan bilasiz.

Karim aka, noyabr

  • Oldi2 400 000
  • To'ladi1 900 000
  • Kam berdi500 000
Namuna: noyabrda qancha oldi, qancha to'ladi va farqi.

Savdo tarifida bu ekranda ko'proq narsa chiqadi: mijoz qaysi tovarni necha marta olgani, nimani bu davrda olmay qo'ygani va undan qancha foyda ko'rganingiz ham chiqadi. Foyda tovarga tan narxi kiritilgan bo'lsa hisoblanadi. Statistikani PDF yoki rasm qilib yuborish mumkin.

Mijoz statistikasi: oldi va to'ladi summalari, o'tgan oy bilan solishtirish, davr boshidagi qarz va foyda
Statistika: oldi, to'ladi, qarz va foyda.

Mijoz manzilini xaritada belgilash

Bozorga yoki do'konlarga tovar yetkazsangiz, har bir mijozning joyini eslab yurolmaysiz. Karta menyusidan Joylashuvni belgilashni tanlang: xarita turgan joyingizda ochiladi, belgini do'kon ustiga qo'yib Shu joyni saqlashni bosasiz. Mijoz oldida turib bir marta belgilab qo'ysangiz, kifoya.

Keyin kartada masofa ko'rinadi, Yo'l ko'rsatish tugmasi navigatorni ochadi. Ro'yxatni Yaqinidan saralasangiz, atrofingizdagi mijozlar birinchi chiqadi, bu yetkazib berish yo'lini rejalashtirishni osonlashtiradi.

Video dars 19 Mijoz statistikasi va xaritadagi joyi Telegram'da ko'rish YouTube'da ochish
Mijoz joylashuvini xaritada belgilash: belgi do'kon ustida, Shu joyni saqlash tugmasi
Belgini do'kon ustiga qo'yib saqlaysiz.

Hisobotni mijozga yuborish

Mijoz «qancha qarzim bor edi, ko'rsating» deganda uzun gap kerak emas. Karta menyusidan Eksportni tanlaysiz: Rasm (PNG), PDF yoki CSV. Tayyor hisobotda uning qarz va to'lovlari turadi, uni Telegram orqali yuborasiz yoki saqlab qo'yasiz.

Butun ro'yxatni ham chiqarish mumkin: Mijozlar ekranidagi eksport PDF, rasm yoki Excel beradi. Sana bo'yichani yoqsangiz, har bir mijoz o'sha kuni qancha qarzdor bo'lganini ko'rasiz. Oy yakunida hisob-kitob qilishda bu juda qo'l keladi.

Video dars 49 Mijozga hisobot yuborish Telegram'da ko'rish YouTube'da ochish

Bazani to'ldirishni nimadan boshlash kerak

Yangi mijozni Yangi mijoz qo'shish tugmasi bilan kiritasiz: ism yetarli, telefon ixtiyoriy. Ro'yxat tayyor bo'lsa, Savdo tarifida uni Excel'dan ko'chirish mumkin. Qarz va to'lov yozishni qarz daftari ilovasi maqolasidan, kechikkan qarzdorlar bilan ishlashni qarzni undirish maqolasidan o'qing.

Mijozlar bazasi, qidiruv, filtr, statistika va xaritadagi joy bepul ishlaydi (50 tagacha mijoz). Sotuvlar, tovarlar va foyda statistikasi Savdo tarifida ko'rinadi.

Ko'p so'raladigan savollar

Mijozlar bazasini qanday yuritish kerak?

Har bir mijozga ism va telefon yozing, doimiy mijozlarni papkalarga ajrating, qarz va to'lovni kartaga yozib boring. Balans va statistikani ilova o'zi chiqaradi.

Mijozlar ro'yxatini Excelga chiqarsa bo'ladimi?

Ha. Mijozlar ekranidagi eksport PDF, rasm va Excel beradi. Tanlangan filtr va papka faylga ham o'tadi.

Bepul rejimda nechta mijoz qo'shish mumkin?

50 tagacha. Undan ko'pi uchun Start tarifi kerak, ammo yozilgan mijozlar o'chib ketmaydi.

Mijoz manzilini xaritada qanday belgilayman?

Mijoz kartasidagi uch nuqta menyusidan Joylashuvni belgilashni tanlang, belgini do'kon ustiga qo'yib Shu joyni saqlashni bosing.

Mijoz statistikasi bepulmi?

Ha, qarz va to'lovlar bo'yicha statistika hamma uchun ochiq. Sotuvlar, tovarlar va foyda Savdo tarifida qo'shiladi.